Астанадаги Президент марказида Қурултой депутатлари, олимлар ва экспертлар Давлат раҳбарининг Мактубини ҳамда ундаги стратегик устувор йўналишларни рўёбга чиқариш йўлларини муҳокама қилди. Асосий эътибор иқтисодий ва ижтимоий ўзгаришлар, инфратузилмани кенг кўламда янгилаш, энергетика, шу билан бирга сув хавфсизлиги, сунъий интеллектни жорий этишга қаратилган. Иштирокчилар Президент Қосим-Жўмарт Тўқаевнинг ташаббусларини ҳаётга татбиқ этиш учун қонунчиликка киритилган ўзгаришларга алоҳида тўхталди. Парламент аъзоси Юлия Кучинскаянинг таъкидлашича, қўйилган вазифалар жамиятнинг долзарб талабларига жавоб беради. Депутатнинг фикрича, "Халқ қурилиши" дастури мамлакат иқтисодиётига туртки беради, унинг самарасини барча минтақа ва фуқаролар сезади.
Юлия Кучинская, Қозоғистон Республикаси Қурултойи депутати, Халқаро мудофаа ва хавфсизлик масалалари қўмитаси аъзоси:
- "Халқ қурилиши," менимча, жуда яхши ва муҳим ташаббус. У мамлакат иқтисодий ривожланишининг янги босқичини бошлаб бера олади. Аммо бунинг учун самарадорликни таъминлаш, жуда аниқ режалаштириш, у ёки бу лойиҳани нима учун, қандай мақсадларда амалга ошираётганимизни аниқ тушунишимиз зарур. Ажратилаётган маблағ иқтисодиётимиз ҳамда мамлакат ичида ишлатилишини ва маҳаллий ишлаб чиқаришни равнақ топтиришга йўналтирилишини таъминлаш жуда муҳим.
Абдумалик Сарманов таржимаси.
Ўхшаш янгиликлар
