Астанада Қозоғистон Президенти Мактубининг асосий устувор йўналишларини амалга оширишда ёшларнинг ўрни муҳокама қилинди. Qazaq Ai Research University платформасида экспертлар ва талабалар таълим тизимини ривожлантириш, янги технологияларни жорий этиш, замонавий дунёда ёшларнинг касбий истиқболлари ҳамда рақобатбардошлиги ҳақида фикр алмашдилар. Эслатиб ўтамиз, Давлат раҳбари Мактубида билим, илм-фан ва инновацияларнинг алоҳида ўрнини таъкидлаган эди. Унинг сўзларига кўра, келажак сунъий интеллект ҳамда илғор технологияларни ўзлаштирган мамлакатларга тегишли. Шу боис, Қозоғистон учун тўлиқ рақамлаштириш йўлида зарур бўлган ихтисослаштирилган таълимни йўлга қўйиш муҳимдир.
Сапар Тўқсанов, «Qazaq Ai Research University» ректори:
- Мамлакатга кадрлар керак. Биз AI+X моделлари йўналишини ривожлантирамиз. Бу сунъий интеллект бўйича мантиқ, алгоритм, математика, Machine Learning, Deep Learning ўқитилади. Х эса бирор соҳа бўйича тайёргарликни ўз ичига олади. Зеро, Президент айтгани каби, сунъий интеллект ёрдамида рақамлаштиришни қандай йўлга қўйишни тушунадиган, турли соҳаларда сунъий идрокни жорий этадиган мутахассислар тайёрлаш зарур.
Абдумалик Сарманов
таржимаси
Ўхшаш янгиликлар
