Қозоғистон Президенти Қосим-Жўмарт Тўқаев ва Хитойнинг CNMC компанияси директорлар кенгаши раиси Вен Ган Ақтўғай конида мис эритиш заводи қурилишини муҳокама қилди. Давлат раҳбари компаниянинг Қозоғистон тоғ-кон ҳамда металлургия саноатини ривожлантиришга қўшган ҳиссасини қайд этди. Унинг сўзларига кўра, янги завод Абай вилояти иқтисоди ва маҳаллий ишлаб чиқариш саноати ўсишига туртки беради. Вен Ган Президентга қурилиш ишлари белгиланган муддатда, замонавий технологиялар асосида якунланишига ишонч билдирди. Объектда саноат ва экологик хавфсизлик талабларига қатъий риоя қилишга алоҳида эътибор қаратилади. Учрашув якунида лойиҳа Қозоғистон билан Хитой ўртасидаги саноат кооперацияси намунаси бўлиши, шунингдек, металлургия ва чуқур қайта ишлаш соҳаларида келгусида ҳамкорлик қилиш учун йўл очиши таъкидланди.
Абдумалик Сарманов таржимаси.
Ўхшаш янгиликлар
