Мемлекет басшысы Қасым-Жомарт Тоқаев Колумбия Президентіне елдегі жойқын жер сілкінісі салдарынан көптеген адамның қаза болуына байланысты көңіл айту жеделхатын жолдады. Қазақстан Президенті қаза тапқандардың туған-туыстарының сабырға келуіне және із-түссіз жоғалған жандардың тез арада отбасыларына оралуына тілектестігін білдірді.
Кеше Колумбия Президенті Абелардо де ла Эсприэлья магнитудасы 7,4 балдық
жер сілкінісінен кейін елде төтенше жағдай жариялады. Ол билік адамдарды
құтқару және зардап шеккен аймақтарға көмек көрсету үшін барлық қолда бар
ресурстарды жұмылдырғанын мәлімдеді. Іздеу-құтқару жұмыстары тәулік бойы
жалғасып жатыр. Соңғы мәліметтер бойынша, 130-дан астам адам қаза тауып,
500-ден астам адам жарақат алған.
1. Жасанды интеллектті қолданасыз ба?
Сондай-ақ
