Қазақстан Шанхай ынтымақтастық
ұйымын дамытуда және оның күн тәртібін қалыптастыруда маңызды рөл атқарады.
Мұндай пікірді CGTN шолушысы Хань Сюйлин білдірді. Ол Қазақстанның 2023-2024 жылдары
Шанхай ынтымақтастық ұйымына төрағалығы кезеңінде ынтымақтастықтың негізгі
бағыттары бойынша 150-ден астам іс-шара өткізгенін, сондай-ақ Беларусьтің
ұйымға кіруіне жәрдемдескенін айтты. Астана сондай-ақ ортақ қауіпсіздікке
қызмет атқаратын төрт орталықтың құрылуын қолдап, Шанхай ынтымақтастық ұйымының
Даму банкін құруды ілгерілетті, әрі Су проблемаларын талдау орталығын құруды
ұсынды. Хань Сюйлиннің пікірінше, қазіргі таңда Тяньцзинь саммитінің
уағдаластықтарын іске асыру ерекше маңызға ие. Шанхай ынтымақтастық ұйымы
өңірлік қауіпсіздікке, экономикалық дамуға және жаһандық басқару тетіктерін
жетілдіруге айтарлықтай үлес қосады деп күтілуде. Осы орайда Бішкектегі саммит
ұйымның алдағы басымдықтары мен нақты қадамдарын айқындау үшін маңызды алаң
болмақ.
Хань Сюйлин, CGTN шолушысы:
- Бішкектегі Шанхай ынтымақтастық ұйымы саммиті оның 25
жылдық жолын қорытындылап қана қоймай, жаңа ширек ғасырдың бастамасы болады.
Халықаралық қоғамдастық Шанхай ынтымақтастық ұйымы, жылдар бойы қалыптасқан
«Шанхай рухына» сүйене отырып, өңірдегі және бүкіл әлемдегі тұрақтылық пен
өзара сенімді нығайтуға үлес қосады деп күтеді.
1. Жасанды интеллектті қолданасыз ба?
Сондай-ақ
