Президент Телерадиомажмуасининг 30 йиллигига бағишлаб ўтказилган «Солномадан келажакка» республика кинолекторийси тугади. Ҳужжатли фильмлар якуний намойиши Алматида бўлиб ўтди. Дастурга «Орол» ва «Апорт» фильмлари киритилган. Улар бутун умри мобайнида Орол денгизида балиқчилик қилган Кунтуған Турғинбаев, машҳур олма навининг тарихи, унинг дунёга танилиши, қайта тикланиши ҳақида ҳикоя қилади. Кенг кўламли лойиҳа давомида Қозоғистоннинг 20 та шаҳрида фильмлар тақдим этилди. Юртдошларимиз Ҳужжатли кино марказининг юртимиз табиати, тарихи ва бугунги кунига оид киноасарларини томоша қилди. Сеанслардан сўнг асар муаллифлари билан суҳбат бўлиб ўтди, ушбу ижод намуналарини яратиш жараёни қандай кечгани ҳақида маълумот берилди.
Гулбақит Қурманжанова, Алмати шаҳридан:
– Бундай ҳужжатли фильмлар кўпроқ суратга олинса, ёш авлодга намойиш этилса, дейман. Апорт ва Орол денгизи тарихи болаларга эртакка ўхшаб туюлмаслиги керак. Улар Орол қандай бўлгани, одамлар ҳаётига қандай таъсир кўрсатганини билиши зарур. Бундай тасвирлар воқеаларни тарихий фактлар асосида ҳикоя қилишга ёрдам беради.
Ақилбек Шалжанов, Президент Телерадиомажмуаси Ҳужжатли кино маркази директори:
- Бизнинг асосий вазифамиз ҳужжатли фильмлар орқали давлат раҳбари фаолиятини, сиёсий йўлининг асосий йўналишларини томошабинларга кўрсатишдан иборат. Ҳужжатли кино маркази Президент юритаётган ишлар, давлат ҳаётидаги энг муҳим воқеаларни акс эттирувчи лавҳалар яратади.
Абдумалик Сарманов
таржимаси
Ўхшаш янгиликлар
