Қозоғистон Шанхай Ҳамкорлик Ташкилоти ривожида ва унинг кейинги фаолияти шаклланишида муҳим роль ўйнайди. CGTN шарҳловчиси Хань Сюйлин шундай фикр билдирди. У эслатиб ўтгани каби, ШҲТга раислик даврида – 2023-2024 йилларда мамлакатимиз ҳамкорликнинг асосий йўналишлари бўйича 150 дан ортиқ тадбир ўтказган, шунингдек, Беларусь ташкилотга киришига таъсир ўтказган. Астана тўртта хавфсизликка таҳдидларга қарши курашиш маркази барпо этилишини қўллаб-қувватлади, ШҲТ Тараққиёт банки таъсис этилишини илгари сурди ва сув муаммолари таҳлил марказини яратишни таклиф қилди. Хань Сюйлин айтишича, ҳозирда Тяньцзинь саммитидаги келишувларни амалга ошириш алоҳида аҳамият касб этади. Ҳозирги шароитда ШҲТдан минтақавий хавфсизликка, иқтисодий тараққиёт ва глобал бошқарув механизмларини такомиллаштиришга катта ҳисса қўшиш кутилмоқда. Шу маънода, Бишкекда бўлиб ўтадиган ШҲТ саммити ташкилотнинг кейинги мақсадлари ва аниқ қадамларни белгилаб олишда муҳим майдончага айланади.
Хань Сюйлин, CGTN шарҳловчиси:
– Бишкекда бўладиган ШҲТ саммити нафақат ташкилотнинг 25 йиллик йўлини сарҳисоб қилади, балки асрнинг янги чораги учун бошланғич нуқтага айланади. Халқаро ҳамжамият ШҲТ «Шанхай руҳи»га амал қилган ҳолда, минтақага ва бутун дунёга барқарорлик, равшанлик келтиришда давом этади.
Абдумалик Сарманов таржимаси.
Ўхшаш янгиликлар
