23-24 сентябрь кунлари Астана шаҳрида Қозоғистон Халқ Кенгашининг биринчи сессияси бўлиб ўтади. Бугун давлат раҳбари тегишли фармойишни имзолади. Шунингдек, Президент фармони билан Қозоғистон Халқ Кенгаши таркиби тасдиқланди. Унга 126 киши киритилди. Уларнинг ваколат муддати тўрт йил давом этади. Олий маслаҳат органидаги вакиллик уч йўналиш бўйича шаклланади: этномаданий бирлашмалардан 42 нафар, йирик жамоат бирлашмалари ва нотижорат ташкилотларидан 42 нафар ҳамда масъуллар ва барча минтақалардаги жамоатчилик кенгашларидан 42 нафардан аъзо тайинланди. Ташкилотда экспертлар, таҳлилчилар, олиму журналистлар, спортчи, тадбиркор ва маданият арбоблари бор. Эслатиб ўтамиз, Қозоғистон Халқ Кенгаши халқ манфаатларини ифодалайди. Ички сиёсат, ижтимоий тотувлик ва бирдамлик масалалари бўйича таклифлар тайёрлайди. Шунингдек, Қурултойга қонун лойиҳаларини киритиши, умумхалқ референдумини ўтказиш ташаббуси билан чиқиш ҳуқуқига эга.
Абдумалик Сарманов
таржимаси
Ўхшаш янгиликлар
