«Astana AI Film
Festival»да иштирок этиш учун тўқсонтадан
зиёд мамлакатдан
бир минг тўққиз юзтадан
кўпроқ
фильм тақдим этилди. Ташкилотчиларнинг таъкидлашича, бу географияси жаҳон кино
саноати фильмлар яратишда сунъий интеллектдан фойдаланишга тобора кўпроқ қизиқаётганини кўрсатади. Энг фаол учликда - АҚШ, Ҳиндистон ва Қозоғистон
муаллифлари. Таклифлар кўп бўлгани
сабабли аризаларни қабул қилиш 31 августгача узайтирилди. Танловга янги асарлар қўшилиши ҳам мумкин. Фестивалнинг халқаро
ҳакамлар ҳайъати таркибига ЮНЕСКОнинг собиқ бош директори Одре Азуле, «China
Film Group» вакили Ма Пин ва Пекин киноакадемияси вакили Ван Хао кирди. «Astana
AI Film Festival» 1-3 октябрь кунлари «Astana AI Week» доирасида
Қозоғистон пойтахтида бўлиб ўтади. Мукофот жамғармаси 1 миллион доллар бўлган
сунъий интеллект фильмлари халқаро танлови, конференция, лойиҳалар питчинги,
фильмлар намойиши ва сунъий интеллект, кино саноати соҳасидаги етакчи жаҳон
экспертлари билан учрашувлар анжуман
дастуридан
ўрин олган. Эслатамиз, фестивалда иштирок этиш бепул, иш хронометражи камида 3
дақиқа бўлиши керак.
Абдумалик Сарманов таржимаси.
Ўхшаш янгиликлар
