Қозоғистонликларнинг қарийб 87 фоизи Президентга ишонади. Йил давомида бу кўрсаткич 3 фоизга ошди. Қозоғистон ижтимоий тараққиёт институти ўтказган сўров натижалари шундан далолат беради. Фуқароларнинг 66 фоизи Давлат раҳбари ташаббусларини мунтазам ёки вақти-вақти билан кузатиб боради. Бир палатали Қурултойга ўтиш, 2026 йилни Рақамлаштириш ва сунъий идрок йили деб эълон қилиш, шунингдек, «Миллий жамғарма - болаларга» маблағларидан уй-жой ва таълим учун фойдаланиш ташаббуслари энг кўп маъқулланди. Технологик тараққиёт, атом энергетикаси, таълим ва илм-фан соҳалари катта қизиқиш уйғотмоқда. «Taza Qazaqstan» дастури доирасидаги лойиҳалар алоҳида қайд этилди. Тадқиқот мамлакат фуқароларининг давлат тузилмаларига бўлган барқарор ишончини, мамлакатдаги вазиятни ижобий қабул қилишини кўрсатди.
Абдумалик Сарманов таржимаси.
Ўхшаш янгиликлар
