Курултай депутаттарын шайлоого катышууну
казакстандыктардын 70% ашыгы жарандык милдети деп эсептейт. Бул тууралуу
Евразия интеграциясы институтунун изилдөөсүнүн жыйынтыктары көрсөтүп турат.
Жеке интервью учурунда Казакстандын 17 облусунан, ошондой эле Астана, Алматы
жана Шымкент шаарларынан 4 миң адам сурамжыланган. Респонденттердин көпчүлүгү
Казакстанда жүргүзүлүп жаткан саясий реформаларды да колдойт. Алдыдагы шайлоого
болгон кызыгуу да жогору бойдон калууда. Респонденттердин 68% Курултайга
шайлоодон оң өзгөрүүлөрдү күтүшөт. 43% ашыгы шайланган депутаттар жарандардын
кызыкчылыктарын натыйжалуу коргойт деп үмүттөнүшөт. Изилдөө шайлоочулардын
активдүүлүгүнүн өсүшүн жана бийликтин ачык-айкындыгына, экономикалык өнүгүүгө
жана өлкө жашоосундагы реалдуу өзгөрүүлөргө болгон коомдук суроо-талаптын
жогору экендигин да көрсөттү. Ошол эле учурда, сурамжылангандардын 78%дан ашыгы
шайлоолордо жана референдумдарда добуш берүүгө үзгүлтүксүз катышарын
билдиришкен.
Которгон: Назира Бегалиева
Oкшош жаңылыктар
