Казакстан соода
тармагынын санариптик инфраструктурасын калыптандырууда. Учурда ата мекендик
бардык товарларды бирдиктүү системага бириктире турган «Сооданын санариптик
күзгүсү» платформасы көңүл борборунда турат. Бул аркылуу товарлардын орун
которушу, баалардын ачыктыгы жана дүкөн текчелериндеги чыныгы үлүшү толук
көзөмөлгө алынат. Мындан тышкары, Соода министрлигинин маалыматы боюнча, ата
мекендик бренддер ири соода тармактарынын текчелеринен орун алууга жигердүү
даярданууда. Тармактык дүкөндөр менен сүйлөшүүлөр жүрүп жатат. Ата мекендик
компаниялардын соода инфраструктурасына кирүүсүн жеңилдетүүгө «QazTrade Retail»
платформасы көмөктөшөт. Аны жыл аягына чейин ишке киргизүү пландалууда. Бүгүнкү
күндө өлкөдө өндүрүлгөн товарлардын 44% жакыны тышкы
рынокторго чыгарылууда. Азыр экспортту колдоону, жеткирүү географиясын кеңейтүү
артыкчылыктуу багыт болуп саналат. Эң оболу — ЕАЭБ, Борбордук Азия, Жакынкы
Чыгыш, Европа өлкөлөрүнө жана Кытайга экспорттоо пландалууда.
Арман Шаккалиев,
Казакстан Республикасынын соода жана интеграция министри:
- Биринчи жарым жылдыктын жыйынтыгы боюнча ички товар жүгүртүүнүн көлөмү 36 триллион 200 миллиард тенгеге жетти. Өсүш 15,3% түздү. Негизги салымды азык-түлүк сегменти камсыз кылып, өсүшү дээрлик 30% жетти. Ошондой эле сырткы рыноктордо да биздин агроөнөр жай комплексинин өндүрүүчүлөрүнүн позициясы чыңдалууда. Үчтүн айы бугу айларында азык-түлүк экспорту 34,4% өсүп, 1 миллиард 600 миллион долларды түздү. Ошол эле учурда ички рыноктун маанилүү импорттон көз карандылыгы төмөндөөдө. Анын үлүшү 14,7% чейин кыскарды.
Олжас Бектенов,
Казакстан Республикасынын Премьер-Министри:
– Казакстан
жалпысынан ички рынокту негизги азык-түлүк товарлары менен камсыз кылууда.
Биринчи жарым жылдыкта өндүрүштүн көлөмү дээрлик 10% өстү. Ошондой эле айыл чарба
продукциясынын экспорту да туруктуу өсүүдө.
Oкшош жаңылыктар
