Казакстандын
Борбордук шайлоо комиссиясы Курултайга шайлоонун жыйынтыгын жарыялады. Тизмеге киргизилген 12 миллион
623 миңден ашык шайлоочунун 9 миллион 351 миң 539у добуш берүүгө катышты. Шайлоочулардын
катышуусу 74,08% түздү. Добуш берүүнүн жыйынтыгында жети саясий партиянын бешөө
беш пайыздык босогону ашып өттү. «Адилет» партиясы эң көп колдоого ээ болду -
71,17% добуш. Андан кийин «Айыл» - 6,26%, Respublica - 5,56%, «Ак жол» - 5,21%
жана Жалпы улуттук социал-демократиялык партия - 5,11%. Казакстандын Элдик партиясы жана «Байтак» тиешелүүлүгүнө
жараша 3,11% жана 1,07% добуш алып, керектүү босогону аша алышкан жок. «Баарына каршы» деген
вариантты шайлоочулардын 2,51% тандады. Жаңы бир палаталуу парламентте беш
саясий күч орун алды. 145 депутаттык мандат кандай бөлүштүрүлгөндүгүн БШКнын
төрагасы Нурлан Абдиров билдирди.
Нурлан
Абдиров, Казакстан Республикасынын БШК төрагасы:
– Ошентип,
депутаттык мандаттар саясий партияларга төмөнкүчө бөлүштүрүлөт: «Адилет»
партиясы – 110 мандат, Жалпы улуттук социал-демократиялык партия – 8, «Айыл»
партиясы – 10, Казакстандын демократиялык «Акжол» партиясы – 8, Республика партиясы
– 9.
Oкшош жаңылыктар
