Қ.Тоқаев қазақ-британ ынтымақтастығын дамытуды тапсырды

Президент Қасым-Жомарт Тоқаев қазақ-британ көпжоспарлы ынтымақтастығын одан әрі дамытуға қатысты негізгі міндеттерді Қазақстанның Ұлыбритания және Солтүстік Ирландия Біріккен Корольдігіндегі жаңадан тағайындалған елшісі Әлібек Бақаевпен кездесуде талқылады. Мемлекет басшысы Стратегиялық серіктестік және ынтымақтастық туралы келісімді тиімді жүзеге асыруға, саяси диалогты жандандыруға, сауда-экономикалық және инвестициялық ықпалдастықты кеңейтуге мән берді. Сондай-ақ энергетика, көлік, инновация және білім салаларындағы бірлескен жобаларды ілгерілетуді тапсырды.

Веб-редактор: Нұрбек Балгүл Қайрошқызы