Қазақстан мен Тәжікстан Президенттері серіктестікті дамытуды талқылады

Мемлекет басшысы Тәжікстан Президентімен кездесу өткізді. Қасым-Жомарт Тоқаев «Болашақ ойындары – 2026» халықаралық мультиспорт турнирінің ашылу салтанатына құрметті қонақ ретінде қатысқаны үшін Эмомали Рахмонға алғыс айтты. Кездесу барысында стратегиялық серіктестік пен одақтастық байланыстардың маңызы атап өтілді. Сауда-экономикалық қарым-қатынасты кеңейтуге, көлік-логистика және энергетика салаларындағы ынтымақтастықты дамытуға, сондай-ақ бұған дейін қол жеткізілген уағдаластықтарды жүзеге асыруға баса назар аударылды. Мемлекеттер басшылары өңірлік және халықаралық күн тәртібіндегі өзекті мәселелер жөнінде пікір алмасып, алдағы көпжақты форматтағы бірлескен іс-шаралардың кестесін талқылады.

Веб-редактор: Berekekyzy Aiym