Президент
Телерадиомажмуасининг "Солномадан келажакка" республика
кинолекторияси мамлакат аҳолисини ҳужжатли фильмлар билан таништиришда давом
этмоқда. Навбатдаги тадбир Жезқазғанда бўлиб ўтди. Дастурга тўртта фильм
киритилди. Дастлаб "Орол" фильми қўйилди. У денгиз тарихи ва умрини
балиқ овлашга бағишлаган Кунтуған Турғинбаев ҳақида ҳикоя қилади. Шунингдек,
Давлат раҳбари Қосим-Жўмарт Тўқаевнинг 2025 йил декабрь ойида Японияга
ташрифига бағишланган "Бақувват ҳамкор" лентаси тақдим этилди. Томошабинларга
кўра, фильмлар муҳим воқеалар ва Қозоғистон тарихига янгича қарашга ёрдам
беради. Иккинчи куни жезқазғанликлар "Йўлбарс: тайгадан даштга" ва
"Онт" фильмларини томоша қилади.
Ельтинди
Дуйсенбаев, Жезқазған шаҳридан:
– Менга, айниқса, Орол ҳақидаги фильм ёқди. Унда денгиз тақдири, минтақада яшовчи одамлар ҳаёти очиб берилди. Битта балиқчининг ҳикояси маҳаллий аҳолининг мураккаб тақдирини акс эттирди. Дарҳақиқат, айтиш мумкинки, Оролнинг тақдири, уни тиклаш - бу бутун дунё тақдири. Бу бугун кўтарилаётган жуда муҳим мавзу.
Абдумалик Сарманов таржимаси.
Ўхшаш янгиликлар
