Астана шаҳридаги "Келажак ўйинлари"да доирасидаги фижитал-футбол бўйича иккинчи мусобақа куни Қозоғистон терма жамоаси ғалабаси билан якунланди. United Esports Leagues россиялик рақибларини 2:1 ҳисобида мағлуб этди. Бу — икки босқич: виртуал ва майдондаги ўйиннинг якуний натижаси. Қозоғистонликларнинг плей-оффга чиқишида техника ва тезлик, рақамли форматдан реал форматга ўтишда тактикани дарҳол ўзгартириш қобилияти ёрдам берди. Футболчилар Жанубий Африка терма жамоаси билан учрашади. Спортчилар ғалабаларга умидвор.
Қасиет Ўнғарбек, «Келажак ўйинлари– 2026» қатнашчиси:
- Рақамли босқични яхшилаймиз. Бугунги ўйин бизнинг даражамизда кечмади, яхшироқ ўйнай оламиз, буни биламиз. Биз жуда кўп, кунига камида 8 соатлаб тайёрланяпмиз. Ажойиб муҳит, ғайриоддий вазият. Қозоғистон анжуманни қабул қилгани ажойиб ҳол. Бу беллашувлар давом этишини истайман. Барчага, айниқса, бизникиларда ғалаба тилайман.
Рақиблар Қозоғистон терма жамоасининг Аргентинага қарши ўйинини диққат билан ўрганганини, ундан тайёргарлик вақтида фойдаланганликларини тан олди.
Брайан Оладапо Идову, «Келажак ўйинлари– 2026» қатнашчиси:
- Ўйин жуда ёпишқоқ, яккама-якка олишувларга бой, қоидабузарликлар билан ўтди. Ҳеч ким ён беришни, ютқазишни истамади. Ҳаммаси бир сонияга, битта голга боғлиқ бўлди. Ўйинчи биз томонга шиддат билан кириб борди, дарвозабонни ғафлатда қолдирди. Қозоқларга гап йўқ.
Энг кучли саккизта жамоа 625 минг долларга тенг соврин учун курашни давом эттиради. Мусобақа ғолиби 8 август куни аниқланади.
Абдумалик Сарманов таржимаси.
Ўхшаш янгиликлар
