«Бейнеу
- Саксаульск» автомобиль йўли қурилиши — Қозоғистоннинг транспорт салоҳиятини
оширишда муҳим қадам. Бу ҳақда Президент Администрацияси раҳбарининг биринчи
ўринбосари Ерлан Қарин ижтимоий тармоқдаги саҳифасида маълум қилди. У Президент
Қосим-Жўмарт Тўқаев иштирокида стратегик йўл лойиҳалари
қурилишига старт берилишини «тарихий воқеа», деб атади. Давлат раҳбари 2021
йилда Ақтау шаҳрида бўлиб ўтган йиғилишда йўл қуриш зарурлиги таъкидлаганини
эслатди. Қисқа йўл жанубий ва марказий ҳудудларнинг Манғистау вилояти билан
алоқасини анча осонлаштиради. Ерлан Қаринга кўра, янги йўл фақат вилоятлар
эмас, балки минтақа ва халқаро даражада катта аҳамиятга эга. Шу боис Президент
уни «Аральск-Каспий магистрали» деб номлашни таклиф қилди.
Ерлан
Карин, Қозоғистон Республикаси Президенти Администрацияси раҳбарининг
биринчи ўринбосари:
-
Ўз вақтида Қозоғистоннинг барча асосий магистраллари кўпроқ жанубдан шимолга
қараб қурилган. Темир йўллар ҳам, автомобиль йўллари ҳам шу тарзда
ҳаракатланган. Бироқ давлатимиз раҳбари мамлакат транспорт тизимини тубдан
ўзгартирди, ҳудудларни кўндаланг йўналишда ўзаро боғлашга алоҳида эътибор
қаратмоқда.
Ўхшаш янгиликлар
