Экспертлар янги Қурултойнинг Конституциявий ислоҳотлардаги ўрнини муҳокама қилди

Астанада экспертлар, таҳлилчилар ва ҳуқуқшунослар сайлов якунлари ва бир палатали Қурултой олдида турган вазифаларни муҳокама қилди. Парламентаризм институтида янги депутатлик корпусининг конституциявий ислоҳот шароитида олиб борадиган ишлари, ғояларни қонунчиликда рўёбга чиқариш вазифаси унинг зиммасига юклатилганлиги ҳақида айтилди. Нафақат қонунлар сифати, балки депутатларнинг экспертлар ҳамжамияти билан ҳамкорлиги ҳам алоҳида аҳамиятга эга. Парламентнинг ҳудудлар билан алоқаси, қарорларни тайёрлашда фуқаролар талабини ҳисобга олиш зарурлиги алоҳида тилга олинди. Вакиллик органининг янги таркиби бошланган ишларни дарҳол давом эттириши керак. Аввалги парламент даврида киритилган қонун лойиҳалари кўриб чиқилади. Улар ижтимоий ва иқтисодий соҳаларни қамраб олган. Мутахассисларнинг таъкидлашича, янги чақириқ шаклланиб улгурган қонунчилик кун тартибини қабул қилади. Баъзиларига ўзгартиришлар киритиш, бошқаларини давлат дастурлари ва ҳукумат фаолияти орқали ҳал қилиш мумкин.

Юлия Костяная, Парламентаризм институти хусусий қонунчилик маркази бошлиғи:

- Энди партиялар ўз сайловолди дастурини қандай амалга оширишига эътибор қаратилади. Мамлакатимиз Президенти ҳам қонунчилик сифатига, ҳужжатларни қабул қилиш суръатини оширишга эътибор қаратиш кераклигини таъкидлади. Биринчи навбатда фракциялар, Қурултойдага депутатлар айнан қонунчилик сифатига диққат қилиши, шунингдек, жамият эҳтиёжлари қанчалик қондирилишига эътибор қаратиши керак.

Абдумалик Сарманов таржимаси.

Веб-редактор: Berekekyzy Aiym