Астана "Келажак ўйинлари" халқаро мультиспорт мусобақасига
мезбонликка тайёрланмоқда. 29
июлдан 9 августгача Қозоғистон пойтахти рақамли технологиялар анъанавий спорт
билан уйғунлашган энг йирик фижитал спорт анжуманларидан бирининг марказига айланади. Мусобақалар
шаҳарнинг тўртта йирик спорт майдончасида ўтказилади. Томошабинларни сунъий интеллект графикаси, LED инсталляциялари, лазер ва ёруғлик эффектлари,
шунингдек, роботлаштирилган саҳна элементлари бўлган кенг кўламли шоу кутмоқда. Халқаро турнирнинг очилиш
маросими ва асосий босқичлари "Jіbek жолы/Silk Way" телеканали орқали
намойиш этилади. Мусобақа гибрид форматда ўтказилади. Аввал виртуал майдонда
энг кучлилар сараланади, кейин спорт
майдонларида кураш давом этади. "Келажак ўйинлари"да саккизта йўналиш
бўйича 11 та жамоа Қозоғистон шарафини ҳимоя қилади.
Роберт
Пан, фижитал-баскетбол бўйича PBC Astana жамоаси ўйинчиси:
- Менимча, Қозоғистон учун қизиқарли меҳмоннавозлик кутиляпти, чунки, биринчидан, анжуман илк марта ўтказиляпти. Унда баскетбол ва бошқалар бор. Мазкур жаҳон чемпионатига кўп сонли хорижликлар келиши кутиляпти.
Абдумалик Сарманов таржимаси.
Ўхшаш янгиликлар
