Дам олиш кунлари Қозоғистон пойтахти Comic
Cон кенг кўламли гиг-маданият фестивалига мезбонлик қилди. Бу йил у иккита
майдонда ўтказилди. Унинг асосий безаги -
анъанавий косплей бўлди. Ташриф
буюрувчиларнинг кўпчилиги севимли аниме, кино, сериал ва
видео ўйинлар қаҳрамонлари қиёфасида келди. Фестивалга
Астана «юлдуз»лари ҳам ташриф
буюрди. Улар орасида "Тахтлар ўйини" сериали орқали кўпчиликка таниш
бўлган Николай Костер-Вальдау ҳам бор.
Silk Way телеканалига берган эксклюзив интервьюсида актёр ва продюсер қозоқ
миллий ичимлиги - қимиз билан танишганини, Байтерекдан Астана манзарасини томоша қилганини, яна
Қозоғистонга қайтишни хоҳлаётганини айтди. Сунъий интеллект ҳақида ҳам фикр билдирди. Николай Костер-Вальдау «Astana AI Film Festival»га эътибор қаратди. Меҳмоннинг фикрича, у
кинематографиядаги янги йўналишнинг бир қисмига айланади.
Николай
Костер-Вальдау, актёр, продюсер:
–
Бизга сунъий интеллект ҳамма нарсани ўзгартиради, дейишяпти. Шубҳасиз, кино
ишлаб чиқаришда у ақл бовар қилмас воситадир. Бу ерда, Астанада сунъий
интеллект ёрдамида яратилган фильмларга бағишланган кинофестиваль бўлиб ўтади. Менимча,
бу яхши. Бундай фильмлар алоҳида йўналиш, кинематографиянинг яна бир қисмига
айланади. Анъанавий кино ва телевидениеда эса сунъий интеллект бошқа барча
воситалар қатори қўшимча воситалардан бири бўлади.
Абдумалик Сарманов таржимаси.
Ўхшаш янгиликлар
