Сунъий идрок олий таълим тизимини ўзгартирмоқда. «Maqsut Narikbayev University»да 70 нафарга яқин ўқитувчи учун икки кунлик тренинг бошланди. Асосий мақсад: ўқув жараёнига сунъий интеллект технологияларини жорий этиш, таълим моделини ўзгартириш. Ташкилотчилар таъкидлашича, бугунги кунда талабаларда танқидий фикрлаш, ахборотни таҳлил қилиш, ўз позициясини асослаш ва касбни чуқур тушуниш кўникмаларини ривожлантириш муҳим аҳамиятга эга. Бундай ёндашув меҳнат бозоридаги ўзгаришларга мослашишда ёрдам беради. Тадбир иштирокчилари олий ўқув юртидаги фанлар моҳиятини қайта кўриб чиқяпти, мавзуга оид режалар, ўқитиш усуллари, билимларни баҳолаш тизимини такомиллаштиряпти. Натижада, университетнинг таълим дастурларига асос бўладиган янги ўқув курслари концепциялари ва услубий тавсиялар тақдим этилади.
Сергей Пен, «Maqsut Narikbayev University» фан, инновациялар ва СИ бўйича бошқарув раисининг ўринбосари:
- Сунъий интеллект деярли ҳар ойда қатор кўникмалара бўлган эҳтиёжни бартараф қиляпти. Демак, ўқитиш жараёнида фаннинг мазмунига, у қўлланиладиган соҳанинг ўзак масалалари, асосий тушунчаларига эътибор қаратиш керак. Талабага соҳа бўйича чуқур маълумотлар бериш, тасаввур шакллантириш лозим. Ишчи гуруҳ кўп ойлар давомида бу йўналишда ишлади. Махсус усуллар асосида биз у ёки бу соҳа учун тизимли асос яратувчи бир қатор фанларни танлаб олдик. Журналистика, ҳуқуқ, иқтисод, тилшунослик йўналишларида.
Анар Ибраева, «Maqsut Narikbayev University» провости:
- Ҳозир технологик дунёда юз бераётган воқеалар, сунъий идрок эришаётган тараққиёт барча соҳаларга таъсир кўрсатмоқда. Бизнинг вазифа: меҳнат бозорига кириб борадиган битирувчи ўзгаришларни ва ўзи ишлаётган соҳани аниқ баҳолай олсин, таҳлил қилсин, эксперт сифатида фикрласин. Сентябрь ойидан бошлаб, маълум бир янгиланишдан сўнг, ўқитувчиларимиз аудиторияларга киради, у ерда болаларимизда шакллантириладиган фундаментал тафаккурни ҳисобга олган ҳолда дарс бера бошлайдилар.
Абдумалик Сарманов таржимаси.
Ўхшаш янгиликлар
