Казакстандын Президенти БУУнун ыктыярчылар программасынын аткаруучу
координатору Тойли Курбановду кабыл алды. Касым-Жомарт Токаев конокко өлкөнүн демилгелерин
колдогону жана Астанада өтүп жаткан КМШ ыктыярчылар форумуна катышканы үчүн
ыраазычылык билдирди. Мамлекет башчысы баса белгилегендей, Казакстан
ыктыярчылык кыймылын өнүктүрүүгө өзгөчө көңүл бурат, мунун далили - 2026-жылды
Эл аралык ыктыярчылар жылы деп жарыялоо сунушу. Казакстандын демилгесин БУУнун
Башкы Ассамблеясы жана 60тан ашуун өлкө колдоду. Мындан тышкары, өлкөнүн жаңы
Конституциясында ыктыярчылык ишмердүүлүктү жайылтуу бекемделгенин Касым-Жомарт
Токаев кошумчалады. Өз кезегинде Тойли Курбанов Казакстандын БУУнун ыктыярчылар
программасы менен кызматташтыгынын жогорку деңгээлин белгиледи. Айрыкча, «Таза Казакстан» коомдук акциясы бир
катар өлкөлөрдүн кызыгуусун жаратты. Касым-Жомарт Токаев Тойли Курбановду
Казакстанда ыктыярчылыкты өнүктүрүүгө кошкон салымы үчүн II даражадагы «Достук» ордени менен сыйлады.
Oкшош жаңылыктар
