Актөбеде жаңы IT HUB ачылды. Бул жерде суроо-талапка ээ болгон санариптик кесиптерди өздөштүрүүгө болот. Борбор Актөбе жогорку политехникалык колледжинин базасында түзүлүп, бир нече окуу багыттарын бириктирет. Мисалы, мектеп окуучулары үчүн робототехника, 3D-моделдөө, компьютердик графика жана жасалма интеллект боюнча сабактар уюштурулган. Жаш казакстандыктар бул жерде шаймандарды чогултуп, программалоону, үч өлчөмдүү объекттерди түзүүнү, иллюстрацияларды жана логотиптерди иштеп чыгууну үйрөнүшөт. Жасалма интеллект боюнча сабактарда алар санариптик контентти түзүп, жөнөкөй чат-ботторду иштеп чыга алышат. Ал эми студенттер алыска барбай эле, билимин практикада бекемдеп, келечек кесибине даярдана алышат.
Каусар Батырхан, колледждин окуучусу:
- Мындай борбордун ачылышы жаштар үчүн абдан маанилүү. Бул жаңы билим алууга, заманбап технологияларды өздөштүрүүгө жана көндүмдөрүн өнүктүрүүгө мүмкүнчүлүк берет. Азыркы учурда англис тилдүү булактар менен иштөөнү билүү да зарыл. Туулуп-өскөн шаарыбыздан кетпей окууга мүмкүнчүлүк бергендиги үчүн Мамлекет башчысына ыраазычылык билдиребиз.
Борбордун алдында Tomorrow School ачылды. Мектепте, алдын ала программалоо боюнча билим болбосо да, нөлдөн баштап IT кесибин өздөштүрүүгө болот. Кабыл алуу үчүн онлайн тесттен жана төрт жумалык тандоо интенсивке катышуу керек. Негизги окуу курсу 1,5-2 жылга созулат. Студенттер программалоо, жасалма интеллект жана унааны үйрөнүү боюнча билим алышат. Салттуу лекциялардын ордуна, аларды өз алдынча иштөө, практикалык тапшырмалар жана биргелешкен долбоорлор күтөт. Окуу учурунда алар 50дөн ашык долбоор аткарышат. Мындай ыкманын оң натыйжалары Астананын тажрыйбасы менен тастыкталган. Белгилей кетчү нерсе, AQTOBE IT HUBнын бардык программалары акысыз болот. Борбордун иши облустук бюджеттен каржыланат. Бул чет элдик серепчилерди чакырууга, жергиликтүү мугалимдердин квалификациясын жогорулатууга жана аймактын тургундарынын заманбап технологияларды өздөштүрүү мүмкүнчүлүктөрүн кеңейтүүгө мүмкүндүк берет.
Булбул Кузембаева, Актөбе облусунун билим берүү башкармасынын жетекчиси:
– Борбор 300 орунга ылайыкталган. Бул жерде мектеп окуучуларынан баштап жаштардын баары билим ала алат. Ага каалаган убакта келсе болот. Жаштар окуудан же жумуштан кийин, ошондой эле дем алыш күндөрү келе алышат. Бул жерде алар окуусун улантып, жеке долбоорлорунун үстүндө иштей алышат. Борбордун эшиги ар дайым ачык. Багыттары ар кандай. Инженердик-техникалык иштеп чыгуулар жана маалыматтык технологиялар боюнча кызыктуу сунуштар келип түшүүдө.
Которгон: Илгиз Жамалбеков
Oкшош жаңылыктар
