Ақордада Президент Қасым-Жомарт Тоқаев Ұлыбританияның Сауда жөніндегі мемлекеттік министрі, лорд Анас Сарварды қабылдады. Кездесуге қатысушылар сауда, инвестиция энергетика, көлік-логистика, цифрландыру және жасанды интеллект салаларындағы ынтымақтастықты кеңейту әлеуетін талқылады. Былтыр екіжақты сауда-саттық көлемі 83% артып, 1,6 млрд доллардан асты. Елімізде 500-ден астам британиялық компания қызмет етеді. Тараптар академиялық алмасуды кеңейтудің және бірлескен білім беру бастамаларын жүзеге асырудың маңызына да тоқталды. Мемлекет басшысы Қазақстан Біріккен Корольдікпен екіжақты қарым-қатынасты дамытуға айрықша мән беретінін атап өтті. Қасым-Жомарт Тоқаев Ұлыбритания Премьер-министрі Эндрю Бёрнэмге Қазақстанға сапармен келуге шақырды. Өз кезегінде лорд Сарвар елімізбен стратегиялық серіктестіктің дәйекті түрде ілгерілеп келе жатқанын атап өтті.
1. Жасанды интеллектті қолданасыз ба?
Сондай-ақ
