Киік – мұз дәуірі мен мамонттар заманынан бері тіршілік етіп келе жатқан дала жануары. Бір кездері жойылып кетудің аз-ақ алдында қалған ақбөкеннің саны Қазақстанда қайта көбейіп, 2026 жылғы санақ бойынша 4 миллион 689 мыңға жетті.
Бұл бағдарламада киіктің дала тіршілігіне қалай бейімделгенін, оның ерекше тұмсығының қызметін, көші-қон жолдары мен төлдеу кезеңінің ерекшеліктерін көрсетеміз. Киік популяциясы қалай қалпына келді? Жолдар, теміржолдар мен шекара қоршаулары оның ежелгі көші-қон бағыттарына қалай әсер етеді? Сондай-ақ киік санының күрт өсуіне байланысты туындаған жаңа мәселелерді және табиғат пен адам мүддесі арасындағы тепе-теңдікті сақтаудың жолдары туралы ақпарат береміз.
