Қазақстандық жобалардың тартымдылығы арта түсті

Қазақстандық жобаларға араб капиталы қызығушылық танытып отыр. Abu Dhabi Commercial Bank Kazakhstan алдағы бір жарым жылда қазақстандық жобаларды қаржыландыру көлемін қазіргі 2,5 трлн теңгеден 3 есеге ұлғайту туралы мәлімдеді. Бұл туралы Премьер-министр Олжас Бектеновпен кездесуде банктің директорлар кеңесінің төрағасы Фарух Аль Марзуки мәлімдеді. Басым салалар ретінде - энергетика, теміржол инфрақұрылымы, мұнай-химия, логистика жобалары қарастырылады. Айта кетейік, 15 жыл ішінде Abu Dhabi Commercial Bank Kazakhstan 100-ден астам бизнес бастаманы қаржыландырды. Кездесу барысында ауқымды экономикалық және институционалдық реформалар нәтижесінде шетелдік капитал үшін Қазақстанның тартымдылығы арта түскені атап өтілді.

Веб-редактор: Нұрбек Балгүл Қайрошқызы