Қазақстан жаңа үлгідегі армия құруға ниетті

Қазақстан Президенті Қорғаныс министрлігін тексеру жөніндегі комиссия мүшелерімен кеңес өткізді. Жиында қазіргі заманның сын-қатерлеріне қарсы тиімді әрекет ететін жаңа тұрпатты армия қалыптастыру қажеттігіне баса мән берілді. Қасым-Жомарт Тоқаев атқарылған жұмыстың алғашқы нәтижелері туралы есепті тыңдады. Мемлекет басшысы Комиссияға анықталған кемшіліктерді жою жөнінде нақты ұсыныстар әзірлеуді тапсырды. Кешенді тексеріс нәтижесі Қарулы күштерді реформалау жоспарын дайындау кезінде ескерілуге тиіс.

Веб-редактор: Berekekyzy Aiym