Қазақстан Президенті екі өңір әкіміне тапсырма берді

Мемлекет басшысы бүгін Атырау облысының әкімі Болат Ақшолақовты қабылдады. Қасым-Жомарт Тоқаевқа аймақтағы әлеуметтік-экономикалық жағдай және алдағы кезеңге арналған басым міндеттер туралы баяндалды. Президентке облыстағы ірі инвестициялық жобалардың іске асырылуы, мұнай-газ химиясы саласының дамуы, әлеуметтік және инженерлік инфрақұрылым нысандарының құрылысы жөнінде есеп берілді. Кездесу қорытындысында Мемлекет басшысы бірқатар тапсырма берді.

Мемлекет басшысы Ұлытау облысының әкімі Есет Байкенді де қабылдады. Қасым-Жомарт Тоқаевқа өңірдегі инфрақұрылымды дамыту, инвестиция тарту, инженерлік желілерді жаңғырту жұмыстары туралы мәлімет берілді. Сондай-ақ, басым жобаларды жүзеге асыру жөнінде ұсыныстар айтылды. Кездесу соңында Мемлекет басшысы облыстың орнықты дамуын қамтамасыз етуге және азаматтардың тұрмыс сапасын жақсартуға бағытталған бірқатар тапсырма берді.

Веб-редактор: Нұрбек Балгүл Қайрошқызы