Қазақстанға бельгиялықтар Королі Филипп пен Патшайым Матильда мемлекеттік сапармен келді. Корольдік жұптың ұшағы ел шекарасынан өткен сәттен бастап Әскери-әуе күштері қатарласа ұшып, мәртебелі меймандарды елорда әуежайынан Президент Қасым-Жомарт Тоқаев қарсы алды. Ұшу алаңында Құрмет қарауылы ротасы мен Президенттік оркестр сап түзеді. Салтанатты рәсімнен кейін әуе айлағының залында Қазақстан Президенті құрметті қонақтармен аз-кем әңгімелесіп, сапардың қазақ-бельгия қарым-қатынасын нығайтудағы тарихи маңызын атап өтті.
Қасым-Жомарт Тоқаев, Қазақстан Республикасының Президенті:
– Қазақстанға қош келдіңіздер. Сапарларыңыз мемлекетіміздің дамуындағы өте маңызды кезеңмен тұспа-тұс келіп отыр. Жалпы, еліміз өркендеп, экономикасы ілгерілеп келеді. Сіздердің сапарларыңыз екіжақты қарым-қатынасқа тың серпін береді деп айтуға болады.
Король Филипп қонақжайлық көрсеткені үшін Президент Қасым-Жомарт Тоқаевқа алғыс айтып, жоғары деңгейде өтетін келіссөздердің екі елдің сан қырлы серіктестігін тереңдетудегі маңызын атап өтті.
Филипп, бельгиялықтар Королі:
– Ұшақ трапынан қазақ жеріне қадам басқан сәттен бастап көрсетілген сый-құрмет үшін Сізге алғыс айтамын. Үш күндік сапармен келгенімізге қуаныштымыз әрі еліңізбен жақынырақ танысамыз деп сенемін.
1. Жасанды интеллектті қолданасыз ба?
Сондай-ақ
