«Самруқ-Қазина» жамғармаси бошқаруви раиси Қозоғистон
Президенти Қосим-Жўмарт Тўқаевга
ишлаб чиқариш ва молиявий кўрсаткичлар ҳамда йирик инфратузилма лойиҳаларининг
амалга оширилиши тўғрисида ҳисобот берди. Нурлан Жақипов инвестиция портфелига
киритилган лойиҳалар ҳақида ҳам гапирди. Келгуси уч йилда энергетика,
нефть-газ, транспорт ва рақамли инфратузилма соҳаларидаги 21 триллион тенге
қийматга эга лойиҳаларнинг 38 тасини рўёбга чиқарилиши режалаштирилган. Жорий
йилнинг ўзида қиймати 3 триллион тенгедан зиёд бўлган лойиҳалар якунига етади.
Нурлан Жақупов, «Самруқ-Қазина» АЖ бошқаруви раиси:
- Улар орасида
«Мўйинти - Қизилжар», «Дарбаза - Мақтаарал» темир йўл линияларини қуриш ҳамда
«Алтинкўл - Жетиген» ва «Бейнеу - Манғистау» участкаларини модернизация қилиш
ишлари ҳам бор. Шунингдек, Қашаған конида газни қайта ишлаш заводи қурилишини
якунлаш, Алмати ТЭЦ-2 ни модернизация қилиш, Туркистон вилоятида буғ-газ
қурилмасини ишга тушириш, гибрид электр станцияси бунёд этиш режалаштирилган.
Астанада маълумотларни қайта ишлаш маркази қурилиши, Каспий денгизи тубига
оптик толали алоқа линияси ётқизиш ишлари якунланмоқда.
Абдумалик Сарманов таржимаси
Ўхшаш янгиликлар
