Қозоғистонда келгуси йилдан бошлаб микро ҳамда кичик бизнесни текширишга қўйилган уч йиллик мораторий тикланиши мумкин. Давлат раҳбари Мактубида Қурултой депутатлари ва Ҳукуматга таклифлар тайёрлаш фикрини берди. Қосим-Жўмарт Тўқаев Солиқ кодексини такомиллаштириш, жараёнларни соддалаштириш, юкламани камайтиришга ҳам эътибор қаратди. Соҳани қўллаб-қувватлаш бўйича таклиф этилган чора-тадбирлар бизнес ҳамжамиятлари вакиллари, шу билан бирга парламент аъзолари томонидан муҳокама қилинмоқда. Уларнинг сўзларига кўра, таклиф этилган чора-тадбирлар ўз вақтида таклиф қилинди, кичик ва ўрта бизнесни қўллаб-қувватлашнинг самарали воситасига айланиши мумкин.
Ўлжас Нуралдинов, Депутат Курултая РК:
- Қайд этишимиз мумкин бўлган қатор ижобий жиҳатларни таъкидламоқчиман. Мораторий жорий этиш шаклида бугунги кунда кичик ва ўрта бизнесни қўллаб-қувватлаш кўзланган. Аммо ҳали аниқ муддатлар белгиланмади. Давлат раҳбари аввалги мораторий тажрибасини ўрганиб, таклифлар бериш кераклигини айтди. Албатта, бу нарса тўғриликча бўлиши керак. Икки-уч йил бўлсин, енгиллик яратилади, бу кейинги босқичда муҳокама қилинади.
Абдумалик Сарманов
таржимаси
Ўхшаш янгиликлар
