Давлат раҳбари Омскда Россия Президенти Владимир Путин
билан учрашди. Қосим-Жўмарт Тўқаев Россия ва
Украина ўртасидаги можарони ҳал қилиш бўйича ўз фикрини билдирди. Қозоғистон президенти ҳарбий
ҳаракатларни музлатиш, "Истанбул формуласи 2.0"га қайтишни таклиф қилди.
Қосим-Жўмарт Тўқаев, Қозоғистон
Республикаси Президенти:
- Бу шунчаки менинг камтарона фикрим, модомики менга мурожаат қилишаётган
экан: эҳтимол, бу можарони музлатиб, «Истанбул 2.0» формуласига қайтиш керак? Чунки унда сезиларли
натижаларга эришилган эди. Кейин эса, табиийки, буюк давлатлар, шу жумладан, Россия кафолати остида
узоқ кутилган тинчлик сари ҳаракатни давом эттириш мумкин. Вазиятдан
қандай чиқишни ҳеч ким билмайди, чунки томонлар маҳкам тутган мавқелар бор. Аммо вазиятни музлатиб қўйиш имконияти ҳам бор. Ва у халқаро
амалиётда синовдан ўтган усул. Ахир ёшлар ҳалок бўлаётгани ачинарли.
Қозоғистон Президенти Россия билан стратегик шериклик ва
иттифоқчиликка содиқлигини тасдиқлади, XXII минтақалараро ҳамкорлик
форуми Қозоғистон-Россия ҳамкорлигининг асосий йўналишлари бўйича батафсил
мулоқотни давом эттириш ва уни ривожлантириш бўйича кейинги қадамларни белгилашда яхши имконият
эканини таъкидлади.
Абдумалик Сарманов таржимаси
Ўхшаш янгиликлар
