Астанада
«Келажак ўйинлари - 2026» қизғин ўтяпти. Турнирнинг асосий йўналишларидан бири
- Dota 2. Айнан шу ўйин энг кўп дунё томошабинлари эътиборини тортади.
Ташкилотчилар берган маълумотга кўра, мусобақа трансляциялари рекорд даражада,
улар 185 миллион мартадан зиёд томоша қилинган. Бу Қозоғистондан ташқарида ҳам
турнирга қизиқиш катталигини тасдиқлайди. Европа, Осиё, Шимолий ва Жанубий
Американининг 34 мамлакати вакилларидан иборат 16 та энг кучли жамоа чемпионлик
учун курашяпти. Мусобақанинг мукофот жамғармаси 1 миллион доллар. Иштирокчилар
фикрича, мусобақа лол қолдирадиган даражада ташкил этилган. Ўйин
натижаларигина эмас, муҳит ҳам уларни илҳомлантиради.
Брайл
Альвизо, «Келажак ўйинлари - 2026» қатнашчиси:
- Умуман
олганда, турнир яхши ўтмоқда. Ажойиб таомлар, қулай иш жадвали… бизни жуда
самимий кутиб олишди. Бу ернинг одамлари ҳам жуда хушфеъл. Ҳамма нарса
кўнгилдагидек ташкил этилганидан мамнунмиз, миннатдормиз. Ўйинлар
бошланганида олдинда бўлдик. Бемалол ғалаба
қозонишимиз мумкин эди. Афсуски, бунга эриша олмадик.
Эслатамиз,
ҳозир турнирда чорак финал учрашувлари ўтказиляпти. Энг кучли саккизта жамоа
плей-оффга йўл олди. Ушбу босқичда ўйинлар «учдан энг
яхшиси», гранд финал эса «бешдан энг яхшиси» форматида ўтказилади. Финал ўйинлари 5 августгача давом этади.
Турнирда Қозоғистон шарафини Rune Eaters жамоаси ҳимоя қилмоқда. Бугун у
Хитойнинг Yakult Brothers жамоаси
билан куч синашади.
Ербол Мирзабўсинов, Қозоғистон
Республикаси туризм ва спорт вазири:
-
Бугунги кунда киберспорт фаол ривожланмоқда. Ёшлар орасида у кенг оммалашган.
Қозоғистон халқаро мусобақаларни ўтказиш бўйича катта тажрибага эга. Мамлакатда
замонавий спорт инфратузилмаси яратилган. Энди биз киберспортни
ривожлантиришга устуворлик бермоқдамиз. «Келажак ўйинлари»
лойиҳаси янги алоқалар
боғлаш ва тажриба алмашиш учун имконият яратади.
Ўхшаш янгиликлар
