Казакстандын президенти «QazaqGaz» улуттук компаниясынын башкармалыгынын төрагасын кабыл алды. Алибек Жамауов ири инфраструктуралык долбоорлордун ишке ашырылышы тууралуу маалымдады. Атап айтканда, Кашаган кенинин аймагында жылына 1 миллиард кубометр газды кайра иштетүүчү заводдун курулушу уланууда. Жаңы объектини пайдаланууга берүү 2027-жылдын III кварталына пландалган. Ошондой эле, Бейнеу – Бозой – Шымкент магистралдык газ куурунун экинчи тилкесинин курулушу башталды. Геологиялык чалгындоо иштери учурда 7 участкада жүргүзүлүүдө. Жолугушуунун жыйынтыгында Касым-Жомарт Токаев жылытуу мезгилинде газ менен туруктуу камсыз кылууну жана товардык газдын ресурстук базасын кеңейтүү боюнча иштерди улантууну тапшырды.
Которгон: Илгиз Жамалбеков
Oкшош жаңылыктар
